Попова Шапка официјално ја отвора својата зимска сезона.
Отворањето ќе започне во 10:00 часот, а влезот за сите посетители е целосно бесплатен.
Работното време денес ќе трае до 14:00 часот, овозможувајќи на посетителите да ги почувствуваат првите зимски авантури на падините на овој реномиран ски центар. Од утре, скијалиштето ќе работи со редовно работно време од 08:45 до 15:30 часот.
Попова Шапка е рај за скијачите, еден од најстарите зимско-рекреативни и планински центри во Македонија и на Балканот.
