Министерката за надворешни работи на Германија, Аналена Бербок, денеска на донаторската конференција во Париз изјави дека Берлин ќе одобри уште 50 милиони евра помош за Украина, како одговор на руските напади врз тамошната енергетска инфраструктура.
Бербок рече дека Германија работи на испорака на генератори, ќебиња и гориво за греење во Украина за Божиќ, бидејќи руските напади врз енергетските капацитети предизвикуваат недостиг на електрична енергија во многу делови од земјата, објави Ројтерс.
„Рускиот претседател сака да го скрши народот на Украина и ние нема да го дозволиме тоа“, изјави таа.
