По најавите од функционери дека ќе го донираат зголемувањето на платите од 78 % по одлуката на Уставниот суд, министерот за економија, Крешник Бектеши, повика да не користат вакви моменти за да се покажат хумани и солидарни за да добијат политички поени. За да го каже сопствениот став за покачувањето на платата, Бектеши вели дека ќе почека одлука на Владата, за која вели дека ќе биде колективна.
„Сум бил на пат заедно со претседателот на владата во Република Србија кога се отвори како тема во согласност со моите информации. Тоа е одлука на Уставниот суд, никаква одлука не е донесена од страна на Владата. Не се опфатени само челновите на Владата, во овој случај министрите, заменик-министрите, туку сите именувани лица. Јас ќе поддржам секаква одлука од Владата, но сакам искрено една работа да кажам. Гледам во јавноста излегуваат политичари за да се покажат хумани, солидарни, ќе донираат процент од платата или она што е зголемување. Тој што сака да донира не треба да го направи тоа јавно, секој може да поддржи одредени категории граѓани. Да не користиме вакви моменти да се покажеме хумани за да добиеме политички пени. Да почекаме Владата да донесе одлука, ќе биде колективна“, рече министерот Бектеши на прес-конференцијата, на кој ги соопшти замрзнатите цени на уште 11 производи, овој пат овошје и зеленчук.
