Балканскиот медиумски камион (Balkan News Truck) пристигнува во Македонија. По возбудливата турнеја во Косово, Босна и Херцеговина, Црна Гора и Албанија, Balkan News Truck продолжува со своето патување и овој пат ќе застане во Битола, Гостивар, Штип и Скопје.
Каде и кога?
• Битола – 3 и 4 ноември, Широк Сокак, спроти кафе-бар Јагода
• Гостивар – 6 и 7 ноември, паркинг пред гимназијата СОУ Гостивар
• Штип – 10 и 11 ноември, Градски плоштад Слобода
• Скопје – 13 и 14 ноември
Balkan News Truck е патувачка платформа што ги истражува вестите, сликите и критичкото размислување. На секоја станица, камионот ќе биде поставен на централни јавни простори, нудејќи проекции, квизови и разговори за тоа како настануваат информациите, како се споделуваат и како ги доживуваме.
Ова е можност за граѓаните да се соберат, да разменат мислења и да ги согледаат вестите од поинаква перспектива — со цел да се поттикне критичко размислување, медиумска писменост и отворен дијалог за улогата и влијанието на информациите во секојдневниот живот.
Настаните се бесплатни и отворени за сите. За повеќе информации за програмата, говорниците и локациите тука: https://balkan-voices.com/BALKAN-NEWS-TRUCK/
Македонската турнеја на Balkan News Truck е дел од предпрограмата на Деновите на медиумска писменост, што ќе се одржат од 17 до 24 ноември 2025 година.
ЗА ПРОЕКТОТ BALKAN NEWS TRUCK | Од септември до ноември 2025 година, низ шест земји од Западен Балкан — Косово, Босна и Херцеговина, Црна Гора, Албанија, Северна Македонија и Србија — Балканскиот медиумски камион ќе посети 20 градови, нудејќи им на граѓаните, особено на младите, интерактивни квизови, дискусии, работилници и видео-проекции. Неговата цел е да ја истражи улогата на информациите во современото општество и да ја зајакне отпорноста на граѓаните кон дезинформации и манипулации. Во Северна Македонија, турнејата ќе се реализира во периодот меѓу 2 и 15 ноември, со посети во Битола, Гостивар, Штип и Скопје како дел од предпрограмата на Денови на медиумска писменост (17-24 ноември 2025).
Балканскиот медиумски камион е иницијатива што ја спроведува CFI – Француската Агенција за развој на медиуми во партнерство со Фондацијата за интернет и општество Метаморфозис, а со поддршка на Министерството за Европа и надворешни работи на Франција, во рамките на проектот Shared Horizons.
