Лидерот во германската фудбалска бундеслигашка конкуренција Баер Леверкузен ја продолжи серијата без пораз откако денеска пред своите гледачи во 25. коло го победи Волфсбург со 2:0 и направи уште еден чекор поблиску до освојување на првата титула во историјата на клубот. Ова беше петти триумф по ред за Баер. Головите ги постигнаа Тела во 37. и Вриц во 86. минута, па Баер и натаму има десет бода предност пред Баерн, на девет кола пред крајот на сезоната. „Фармацевтите“ можеа да обезбедат и поубедлива победа, но избраниците на тренерот Чаби Алонсо промашија голем број изгледни шанси.
Баер гази во Бундеслигата кон историска титула
