Бљерим Османи е именуван за нов организациски директор на Клиничката болница во Тетово.
Тој доаѓа на местото на Арменд Фазљиу кој беше разрешен по случајот со анестезиологот кој на социјалната мрежа Тикток објави видео во живо од гинекологија.
Османи објави дека е назначен на оваа позиција преку својот профил на „Фејсбук“.
„На оваа средба во братски дух од Арменд бев информиран за досегашниот тек на работата, функционирањето, обврските и проектите во иднина. Честитав поради покажаната подготвеност и дадениот придонес. Им благодарам на сите кои не поддржаа периодов – семејството, пријателите, колегите, сопартијците. Задачите што ги добиваме од нашиот лидер Али Ахмети се привилегија, но во исто време и одговорност и не обврзуваат да бидеме уште попосветени и достоинствено да ги реализираме!, напиша Османи.
