Еден Азар пред почетокот на Светското првенство во интервју за „Марка“, ги откри своите планови. Азар не ја исклучи можноста да го напушти клубот, но откри дека тоа нема да се случи во зимскиот преоден рок.
„Среќен сум што играм фудбал во најдобриот тим во светот. И тоа е тоа. Не само затоа што играм за Реал Мадрид, туку затоа што играм фудбал и тоа е она што сакам да го правам во животот“, изјави Азар на почетокот на интервјуто и додаде:
„Нема да заминам во јануари бидејќи имам семејство и ми се допаѓа градот, но можно е да заминам на лето. Имам уште една година од договорот и тоа е одлука на клубот. Доколку клубот побара да заминам тогаш ќе го прифатам тоа. Но, би сакал да играм повеќе, да покажам дека можам да играм повеќе, дека сум добар играч“, додаде Белгиецот.
„Што ми недостасува за да ги претворам тие изјави во реалност? Една минута, секако. Но, има играчи кои во моментов се подобри од мене“, истакна Азар.
