Автомобил удрил во група деца кои посетувале основно училиште во Хирт во близина на Келн, при што едно дете е тешко повредено, а друго полесно, потврди портпаролот на полицијата во округот Рајн-Ерфт.
„Претпоставуваме дека станува збор за несреќа“, соопшти полицијата, пренесува „Билд“.
Според полицијата, нема индикации дека станува збор за намерен чин. Несреќата се случила околу 12:30 часот.
Областа околу улицата Фреченер е широко оградена и затворена. На местото на настанот е и хеликоптер на брза помош.
Исто така, не е познато дали има уште повредени.
