Австралискиот премиер Ентони Албанес го поддржа предлогот во Долниот дом на парламентот за враќање на основачот на Викиликс Џулијан Асанж во Австралија, пред сослушувањето за неговата екстрадиција во САД следната недела во Лондон.
За предлогот на независниот претставник Ендрју Вилки вчера гласаа 86, а против 42 претставници. Владејачката Лабуристичка партија застана на страната на Вилки, а повеќето од конзервативната опозиција се спротивставија.
Независен претставник рече дека тоа е „силен политички сигнал до британската и американската влада“.
Американските власти бараат екстрадиција на Асанж во САД. Тој во моментов е во британски притвор, а американските судови го обвинија поради објавувањето на доверливите американски воени и дипломатски досиеја од страна на Викиликс.
Британците се согласија на негова екстрадиција, но Австралиецот Асанж ги искористи последните правни средства за да се обиде да ја спречи. Јавната расправа ќе се одржи на 20 и 21 февруари, кога двајца судии ќе ја разгледаат претходната пресуда со која Асанж не може да се жали.
Вилки најави дека ќе отпатува во Лондон на сослушувањето.
