Авионот со српски туристи во Истанбул денеска не полетал поради магла, соопштија за Танјуг во српскиот конзулат во тој турски град.
Според нив, сите патници се згрижени, а полетувањето на авионот било откажано поради, како што велат, густата магла на азиската страна на Истанбул, каде што се наоѓа аеродромот „Сабиха Ѓокчен“.
Според медиумите, околу 30 српски туристи се наоѓаат на аеродромот од каде што требаше да тргне авионот за Белград во 11 часот по турско време.
