Сообраќајна незгода помеѓу автомобил и мопед се случи вчера во центарот на Скопје, на крстосницата во близина на зградата на ЕУ.
Како што објави МВР, возачот на мопедот со тешки повреди е пренесен на Комплексот клиники „Мајка Тереза“.
„Вчера вечер во СВР Скопје било пријавено дека на крстосница од бул.„Св.Климент Охридски“ со бул.„Кирил и Методиј“ и бул.„Мајка Тереза“ се случила сообраќајна несреќа помеѓу патничко возило „ауди А6“, управувано од И.П.(51) од Скопје и мопед, управуван од Н.С.(26) од Скопје, двете со скопски регистарски таблички“, објави полицијата.
Извршен бил увид од увидна екипа од СВР Скопје.
