Вооружените сили на Белорусија започнаа вежби за борбена готовност за сите категории воен персонал.
Како што соопшти Министерството за одбрана на Белорусија, вежбите се одржуваат во согласност со планот за обука. Тековните мерки се во согласност со планираниот план за обука и стекнување вештини за нови регрути, се вели во соопштението на Министерството, пренесува Тасс.
Како што е наведено, примарни цели на вежбите се да се подобри работата на воените командни центри, да се подобрат практичните вештини на командантите, како и да се обучи персоналот за дејствување во различни средини.
Претседателот на Белорусија, Александар Лукашенко, претходно неколку пати повтори дека Белорусија нема потреба од мобилизација.
Министерството за одбрана на Белорусија на почетокот на октомври објави дека може да мобилизира 500.000 обучен персонал доколку е потребно.
