Регионалната ТВ мрежа Арена Спорт ќе го прекине договорот со Фудбалската федерација на Македонија (ФФМ) и повеќе нема да врши пренос на натпреварите од македонската Прва лига, јавува Спортспорт. Според извори, Арена Спорт ги смета натпреварите од ПМФЛ за „циркус“ и не се заинтересирани за понатамошно покривање. Од почетокот на сезоната, во изминатите осум кола, не беше пренесен ниту еден натпревар. Ова значи дека и Македонската телевизија (МТВ), која ги преземаше преносите од Арена Спорт, ќе остане без можност да емитува македонски фудбал.
Во последните три сезони, преку Арена Спорт и МТВ, фудбалските навивачи имаа можност да ги следат натпреварите во живо. Но, со овој развој на настаните, тоа ќе биде невозможно, барем за догледно време.
Сепак, за љубителите на македонскиот фудбал останува можноста да ги следат натпреварите на Вардар и Брера, кога играат на домашен терен, преку регионалната ТВ мрежа Спортклуб.
