Метео анализа на Славчо Попоски:
Денешното утро (вторник 8 април) во Македонија е исклучително ладно, дури и нереално за овој период од годината, со температури кои се речиси насекаде под нулата. На повеќе места имаме и длабок минус, како и појава на посилен мраз. Времето е сончево со појава на локална позначителна облачност. Секако, ова воопшто не е во прилог за овој период од годината, и особено лошо ќе се одрази врз овошките, како и врз расцутените дрвца.
На табелата можете да ги видете измерените минимални температури утринава по градови и места во нашата Република Македонија, и тоа на мерните станици на УХМР.
