„Поголеми глупости во последниве половина час, немам слушнато одамна. Не е нормално. Пред 7-8 години, околу 50 милиони патници се превезуваат со ЈСП Скопје. Сега таа бројка е преполовена. Со приватните превозници проблеми на секои шест месеци. Со вработените проблеми, платите им доцнат, постојано на некој нешто должиме…И вие мене ми велите сега да го смениме возниот ред и да не ги лажиме граѓаните, а да го смениме директорот или градоначалникот тоа не ви текнува како решение? Точно е дека ја гласавме градоначалничката и 119 илјади други граѓани. Што не отидете на тие граѓани да им кажете: „Сега трпете си ја?“. Каков е тој однос“, рече советникот од ВМРО-ДПМНЕ, Филип Јаневски на денешната Седница на Град Скопје говорејќи за предлог-одлуката за именување на линискиот превоз на патници во градот.
Јаневски во овој контекст го спомна и екс-премиерот Зоран Заев, во своето обраќање кон советниците од редовите на СДСМ.
-И вие го гласавте Заев, па, сега гледаме на што дереџе сме дојдени. Фала му на Господ што не е (на функција). Затоа за 6 месеци отсега ниту градоначалничката нема да биде. Сепак, не е поентата сега ние да си префрлуваме вина. Сме згрешиле и признаваме. Ајде сега грешката да ја поправиме, а не да ја префрлуваме топката вие она, вие ова…Ајде да видиме каде се потрошени 24 милиони евра во последните 2 години само за субвенции, додаде советникот.
