Австрискиот претседател Александар ван дер Белен освои 56,7 отсто од гласовите на претседателските избори во неделата, соопшти МВР по пребројувањето на гласовите добиени по пошта. Излезноста на претседателските избори беше 65,2 отсто.
Ван дер Белен победи на изборите со 56,7 отсто освоени гласови во првиот круг, а во јануари ќе положи заклетва за втор мандат како шеф на државата.
На второ место е кандидатот на Слободарската партија на Австрија (ФПО), Валтер Розенкранц со освоени 17,7 отсто од гласовите. На трето место е Доминик Влазни, лидер на „Пивската партија“, со 8,3 отсто од гласовите, кој успеа да ги освои пред се младите гласачи. Зад него е независниот кандидат, виенскиот адвокат Тасило Валентин со 8,1 глас.
Официјално, конечниот резултат ќе биде објавен на 17 октомври, кога ќе биде објавен во Службен весник.
