Генералниот секретар на СДСМ, Александар Саша Димитријевиќ, вечерва го кажа судбоносното „да“ на свадбена церемонија што се одржува во скопскиот ресторан „Риас“.
Настанот се одвива во свечена, но неформална атмосфера, со жива музика, модерен декор и присуство на семејството, пријатели, соработници и партиски функционери.
Меѓу гостите се и највисоките претставници на СДСМ, вклучувајќи го претседателот на партијата Венко Филипче, потпретседателите Каја Шукова и Мартин Костовски, кои се и актуелни кандидати за градоначалници на Скопје и Куманово.
Младенците добија искрени честитки за среќен и хармоничен заеднички живот.
