Напаѓачот на Борусија Дортмунд, Себастиен Але постигна хет-трик за помалку од 10 минути на пријателскиот меч против швајцарскиот ФЦ Базел, негови први голови по враќањето на теренот по победата над ракот на тестисите.
Дортмунд победија со 6:0 на пријателскиот меч во Шпанија, на кој Але, кој се врати во составот на тимот пред четири дена, успеа да блесне со три гола за помалку од 10 минути.
Але уште нема официјален настап за Дортмунд по неговиот трансфер од Ајакс, откако на тренинзите пред сезоната му се слоши, а потоа медицинските тестови покажаа дека има тумор во тестисите, по што репрезентативецот на Брегот на Слонова Коска беше на две операции и повеќе тури на хемотерапија.
