Претседателот на Демократската унија за интеграција (ДУИ), Али Ахмети, на вчерашната средба со граѓаните во Куманово, изјави дека доколку ја загуби поддршката на претстојните избори, ќе се повлече од политичката сцена.
Оваа изјава доаѓа како одговор на неодамнешните повици од коалицијата „Влен,“ кои му порачаа на Ахмети да даде писмена гаранција дека ќе се повлече доколку ги загуби изборите. Коалицијата истакна дека ако лидерот на ДУИ навистина сака предвремени парламентарни избори, треба јасно да покаже подготвеност да ја напушти политиката ако ја загуби довербата на граѓаните.
„Мораме да бидеме отворени и јавно да кажеме дека не сме заинтересирани за влез во Владата, но сметаме дека нивното повлекување би било најдобро и за нив, и за нивните семејства, бидејќи оваа ситуација претставува тежок период за Албанците,“ рече Ахмети. Тој додаде дека е свесен за повикот да потпише нотарски документ дека нема да биде дел од власта доколку загуби дури и со еден глас. „Четврт век велам, ако ги изгубам изборите, ќе се вратам дома,“ изјави Ахмети пред присутните, потврдувајќи ја својата подготвеност за политичка одговорност.
