По денешната верификација на мандатите на пратениците во новиот собраниски состав општините Аеродром и Сарај останаа без градоначалници, затоа што Тимчо Муцунски од ВМРО-ДПМНЕ и Блерим Беџети од ДУИ ги прифатија пратеничките мандати.
За разлика од нив, градоначалникот на Тетово Биљал Касами од „Вреди“ не го прифати пратеничкиот мандат и остана во локалната самоуправа.
Во Аеродром и во Сарај треба да се распишат предвремени избори за градоначалник, затоа што до редовните локални избори има повеќе од шест месеци.