Фудбалерот на Бешикташ и репрезентативец на Камерун, Винсент Абубакар изјави дека го напуштил Ал Наср од семејни причини, а не поради Кристијано Роналдо.
Абубакар замина од Ал Наср на почетокот на годината, откако Роналдо пристигна во клубот од Ријад. Некои медиуми објавија дека Камерунецот го напуштил клубот поради правилата на Професионалната лига на Саудиска Арабија кое го ограничува бројот на странски фудбалери.
Сепак, Абубакар тврди дека Роналдо инсистирал Камерунецот да остане во клубот од Ријад.
„Разговаравме и Кристијано ми рече дека сака да останам. Му реков дека сакам да заминам од семејни причини. Ме праша каде е моето семејство. Во тоа време моето семејство беше во Франција. Сакав да одам во Турција, затоа што би бил поблиску до Франција“, откри Абубакар.
„Роналдо ми кажа дека тоа е добра одлука, но дека мојата ситуација е комплицирана кога сум далеку од семејството“, додаде камерунскиот репрезентативец.
Абубакар (31) пред Ал Наср играше за Бешикташ, Порто, Лориен, Валенсиен и Котон Спорт. За Бешикташ од почетокот на годината одигра четири натпревари.
За Камерун одигра 94 натпревари и постигна 35 голови.
