Три ката од Ајфеловата кула се евакуирани поради закана за бомба, пренесува France24.
Тие велат дека специјална единица за деактивирање бомби и полиција ја пребаруваат областа, вклучително и ресторан на еден од катовите.
„Ова е вообичаена процедура во оваа ситуација, која, сепак, е ретка“, рече портпаролката на компанијата што управува со кулата.
Посетителите беа евакуирани од трите ката и од плоштадот под споменикот нешто по 13:30 часот.
Ајфеловата кула е најзнаменитиот симбол на Франција, а минатата година привлече 6,2 милиони посетители.
