Крива Паланка, 22 мај 2020 (МИА) – Општина Кратово постави на јавен увид план за управување со животната средина и со социјалните аспекти (ПУЖССА) за проект за реконструкција на постоен пат во Општина Кратово во рамки на проектот за поврзување на локални патишта.
– Во рамки на „Проектот за поврзување на локални патишта” кој се реализира од Министерството за транспорт и врски со финансиска поддршка од Светска Банка, што има за цел подобрување на локалната патна инфраструктура, Општина Кратово аплицираше со проект за реконструкција на постоен пат во Општина Кратово. Согласно барањата на Светска Банка беше подготвен документ „План за управување со животната средина и социјалните аспекти” во кој се анализирани влијанијата врз животната средина и социјалните аспекти кои ќе произлезат од реализацијата на проектот и документот е поставен на јавен увид на веб страните на Министерството за транспорт и врски (http://www.mtc.gov.mk) и на Општина Кратово (https://www.opstinakratovo.gov.mk/), а граѓаните можат да достават коментари до крајот на месецот, посочуваат од Општина Кратово.
Планот за управување со животната средина и социјалните аспекти е достапен две седмици, почнувајќи од 15 мај 2020 година, а коментарите од граѓаните може да се доставуваат заклучно со 29 мај.ид/мс/
