Струмица, 18 мај 2020 (МИА) – Општина Радовиш гради потпорeн ѕид на улицата „Свети Спасо Радовишки“ во должина од 40 метри со кој се спречува одронување од дел од ридот и се зафаќаат и регулираат водите од него, информира градоначалникот, Герасим Конзулов.
-За реализирање на овој голем градежен зафат ќе потрошиме околу 1,5 милиони денари и решаваме голем проблем на граѓаните и воопшто на градот. Овој рид подолго време ни задаваше проблеми при поголеми врнежи и претставуваше опасност за движење на граѓаните и нормално одвивање на сообраќајот, додаде градоначалникот Конзулов.
Изградбата на потпорниот ѕид треба да заврши за еден месец. рт/рп/
