Мадрид, 16 мај 2020 (МИА) – Раководствата на шпанските клубови Хетафе и Виљареал го негираа учеството во наместен натпревар во Ла Лига, откако локалните медиуми објавија дека полицијата го испитува ремито 2: 2 помеѓу двата тима од шпанскиот шампионат во мај минатата година.
– Виљареал и играчите од првиот тим силно сакаат да ги отфрлат обвиненијата и категорично негираат дека учествувале во местење на натпреварот против Хетафе во последното коло од минатата сезона. Клубот, како и секогаш, ги осудува сите дејствија. потенцира дека нејзината филозофија се заснова на вредности како што се транспарентност, етика, интегритет и фер игра, велат од Виљареал во официјалното соопштение.
Раководството на Хетафе исто така издаде изјава за случајот, во која се вели дека клубот „категорично негира каква било вмешаност во случајот и дека не прифаќаат такво однесување“.
„Ел Паис“ објави дека средбата меѓу двете екипи била истражена како дел од операцијата „Оикос“, која започна минатата година и доведе до апсење на 11 лица осомничени за организирање криминална група за местење на натпреварите и незаконско профитирање од обложување.
Петмина поранешни директори на Осасуна и двајца поранешни играчи на Бетис добија ефективни казни минатиот месец за докази за местење натпревари во 2013 и 2014 година.
