Скопје, 15 мај 2020 (МИА) – Во касарната „Гоце Делчев“ во Општина Аеродром денеска ќе се изврши примопредавање на донација која Република Австрија преку Механизмот за цивилна заштита на ЕУ ја обезбеди за нашата земја како поддршка во борбата со КОВИД-19.
На примопредавањето на донацијата ќе присуствуваат вицепремиерот Бујар Османи, во својство на национален координатор за распределба на странска помош во земјава, директорот на Дирекцијата за заштита и спасување, Аднан Џафероски, амбасадорот на Австрија, Георг Вуцас, полицискиот аташе во Австриската амбасада, Фридрих Хофбауер, и конзулот Лукас Бахмаер. дма/хс/
