Скопје, 13 мај 2020 (МИА) – Поголем дел од реките денеска се со намален водостој во однос на вчерашниот ден. Исклучок се реката Вардар кај Јегуновце, Скопје и Демир Капија и реката Црн Дрим.
Според денешните хидролошки мерења, на исто ниво како вчера се водостоите на реките Струмица, Сатеска и Радика.
Сепак, кај сите реки, освен Бабуна, денешните водостои се пониски во однос на просекот за мај.
Кај езерата, нивоата се движат околу просекот за мај. Мало отстапување надолу има кај Преспанското Езеро. бак/дма/
