Велес,12 мај 2020 (МИА) – Компанијата „Дрекслмајер“ на Здружението „Надеж за лица со посебни потреби од Општина Градско им донира специјално возило. Градоначалникот на Градско, Роберт Бешовски од свое и името на Советот и сите жители на Градско, им искажа голема благодарност на сите од компанијата „Дрекслмајер“, а со која донација ќе се овозможи поголема мобилност на членовите на здружението, кои до сега не беа во можност да ги реализираат своите потреби.
– Сега ќе можат да излезат од своите домови и со прикладни екскурзии да го збогатат социјалниот и општествениот живот, потенцира Бешовски.
Тој информира дека Општина Градско со посебен договор ќе се обврзе да се грижи за континуирана техничка исправност на возилото, за негова годишна регистрација и одржување, со што ќе помогне здружението непречено да ги обавува своите активности.
– Оваа соработка со „Дрекслмајер“ не е прва и убеден сум дека и понатаму ќе продолжи, затоа што станува збор за општествено одговорна фирма, потенцира Бешовски.ад/оџ/
