Велес, 12 мај 2020 (МИА) – Со средства од Владата преку Програмата за намалување на аерозагадувањето за 2020 година – енергетска ефикасност, Општина Градско започна со реализација на проектот за замена на прозорци и врати – столарија, во висина од 900 илјади денари.
Како што информира градоначалникот на Општина Градско Роберт Бешовски, замената се врши во административна зграда на Општина Градско, старото училиште на ООУ „Даме Груев” во Градско (каде што се одвива наставата за првачињата) и во Амбуланта во село Виничани.
-Овој проект ќе се придонесе за енергетската ефикасност во овие јавни установи, а ќе се овозможи и звучна изолација на објектите, потенцира Бешовски. ад/дма/
