Скопје, 12 мај 2020 (МИА) – Јавното претпријатие за јавни паркиралишта „Паркинзи на Општина Центар“-Скопје од денеска започнува со редовно бележење на хоризонтална сигнализација на паркинзите со кои стопанисува со цел полесно и попрегледно паркирање во општина Центар.
Од ЈП ПОЦ информираат дека ќе се започне со работа од Зона 01 и катната гаража „Судска палата“, а во текот на наредните неколку месеци ќе бидат одбележани сите паркинг места во останатите зони и затворени паркиралишта.
ЈП Паркинзи на Општина Центар апелира до жителите да имаат разбирање за наведените активности, бидејќи по завршување на бележењето на паркинг местата ќе се добие подобра и пофункционална организација на паркирањето и ќе можат да користат добро уредени и безбедни паркинг места. цр/ац/
