Штип, 11 мај 2020 (МИА) – Во Општина Свети Николе се врши реконструкција на локалниот пат меѓу селата Пеширово и Ерџелија. Градоначалникот на Општина Свети Николе, Сашо Велковски вели дека станува збор за делница во должина од околу два километра.
-Оваа делница не беше реконструирана речиси 50 години, а патот беше во многу лоша состојба и најруиниран во нашата општина. Инвестицијата чини 8.300.000 денари, од кои седум милиони денари се од Платежната агенција, а остантите 1.300.000 денари се од општинскиот буџет, вели Велковски.
Тој информира дека поради изведување на градежните работи асфалтирање на патниот правец меѓу селата Пеширово и Ерџелија, ќе биде во прекин од денес до среда 13 мај, кога се планира да се завршат градежните работи.вдј/скс/
