Кавадарци, 11 мај 2020 (МИА) – Општина Кавадарци продолжува со реализација на капиталниот комунален проект во селото Сопот за реконструкција на старата водоводна линија, информираат од кабинетот на градоначалникот Митко Јанчев.
– Се работи на поставување на комплетно нова мрежа по главниот вод на улицата „Илинденска“, како и на краците од сите останати селски улици. Паралелно се поставува и атмосферска канализација за зафаќање на атмосферската вода од улиците „Илинденска“, „Коле Василев“ и „Маршал Тито“, соопштуваат од градоначалничкиот кабинет.
Станува збор за проект вреден 16.914.631 денари. свд/ев/
