Скопје, 4 мај 2020 (МИА) – Здружението „Добредојде Маседониа Велкам Центар“ утре од 9.45 пред „Тинекс“ маркетот во Карпош 3, ќе дели бесплатни маски, во рамките на проектот: „Да се заштитиме од Ковид-19“, поддржан од Амбасадата на Република Словачка во Република Северна Македонија.
На настанот ќе присуствуваат словачкиот амбасадор во земјава, Хенрик Маркуш и градоначалникот на Општина Карпош, Стефан Богоев.
Со проектот е предвидено да бидат дистрибуирани 12.000 платнени маски од домашно производство во четири општини: Карпош, Кисела Вода, Центар и Петровец.
-Целта на овој проект е да се подигне свеста на локалната заедница за почитување на владините мерки за социјална дистанца и здравствена заштита. Поддршка на локалните текстилни компании, да го усогласат своето производство со тековните побарувања на пазарот и да го премостат јазот на солвентност за време на економските рестриктивни мерки. Да се направат заштитните мерки против Ковид-19 подостапни за семејствата со ниски приходи, велат од здружението.ир/скс/
