Утрински Весник
Македонија

Османи: Време е со паметна комбинација на меки мерки да се заменат полицискиот час и затворањето на бизнисите

Османи: Време е со паметна комбинација на меки мерки да се заменат полицискиот час и затворањето на бизнисите

Скопје, 3 мај 2020 (МИА) – Вицепремиерот задолжен за европски прашања Бујар Османи денеска изјави дека сега е моментот да се разгледа можноста соодветната комбинација на меки мерки во справувањето со епидемијата на Ковид-19 да биде замена за сегашниот полициски час и затворањето на бизнисите.

-Време е со паметна комбинација на меки мерки да ги замениме полицискиот час и затварањето на бизнисите, истакна Османи при што уште еднаш посочи на задолжителното носење на маски и физичкото дистанцирање како меки мерки кои би го замениле полицискиот час.

Османи денеска во улога на главен координатор на општинските кризни штабови беше во посета на Центарот за јавно здравје во Скопје, каде се сретна со Директорот Арбен Зибери.
За време на средбата, како што соопшти прес-службата на СЕП, Османи и Зибери разговарале за состојбата во борбата против КОВИД-19, како и за предизвиците  кои произлегуваат од  секојдневната борба со истата.

 

Османи изразил благодарност до Зибери, но и до целиот тим на Центарот за целокупниот нивен ангажман и посветеност во борбата против КОВИД-19, при што констатирале дека Центарот беше еден од клучните столбови во борбата против пандемијата. ац/

Извор: mia.mk

Можете да прочитате

Сушниот и топол период продолжува во Македонија, постои опасност од појава на нови шумски пожари

Со полициски хеликоптер пренесен македонски државјанин кој беше на лекување во Виена 

Мицкоски, Мисајловски и Агелер во посета на касарната „Јане Сандански“ – Штип