Париз, 30 април 2020 (МИА) – Француската фудбалска федерација реши да ја заврши сезоната во Лига 1 и да му ја додели шампионската титула на Пари Сен Жермен, пишува авторитетниот „Екип“.
Оваа одлука сè уште не е официјално потврдена ниту од Француската фудбалска федерација ниту од Лига 1.
ПСЖ беше на врвот во пласманот во моментот на паузата поради пандемијата од коронавирусот и имаше 12 поени предност пред Олимпик Марсеј.
Според изданието, донесена е одлука и за отпаѓање, па така во понизок ранг одат Амиен и Тулуз, додека промоција во повисок ранг на францускиот фудбал ќе добијат Лориен и Ленс.
