Берово, 29 април 2020 (МИА) – Од утре, 30 април 2020 година започнува со работа зелениот пазар во Берово. Поради препораките за заштита од Ковид-19 пазарот, како што информираат од Општината, ќе биде отворен исклучиво за земјоделски производи.
-Препорачливо е задолжително носење на заштитни маски и ракавици, како за продавачите на тезгите, така и за посетителите на пазарот. Во исто време ќе се врши контрола и ќе се санкционираат оние уличните препродавачи на градинарски производи кои немаат дозвола за вршење на таква дејност, информираа надлежните.
Препораките, како што додаваат, ќе важат и за посетителите ќе мораат да се придржуваат до препораките за растојание.
-Тезгите ќе бидат на потребната дистанца, а на двата влеза на пазарот ќе има редари кои ќе внимаваат дали ќе се следат насоките, додаваат од Кризниот штаб.
Берово е меѓу ретките општини каде досега не е регистриран позитивен случај на Ковид-19. За утре е закажан нов состанок на Кризниот штаб кој ќе донесе дополнителни мерки пред претстојниот продолжен викенд. вс/мд/
