Охрид, 29 април 2020 (МИА) – Советот на Општина Охрид, утрешната седница, поради актуелната состојба предизвикана од пандемијата на коронавирусот, ќе ја одржи преку интернет конференциска врска.
На дневен ред на седницата е предлог oдлуката за изменување на одлуката за утврдување на висината на надоместокот – закупнината за поставување урбана опрема во општина Охрид за 2020 година.
Како што соопшти општината, на дневен ред се и предлог oдлуката за изменување на одлуката за утврдување на висината на комуналната такса за користење на просторот пред деловните простории за вршење дејност, предлог-годишната програма за измени и дополнување на годишната програма за поставување урбана опрема во општина Охрид за 2020 година и предлог – одлука за давање согласност на одлуката за усвојување на годишниот извештај за спроведување на утврдените тарифи за одведување на отпадни води за 2019 година за ЈП „Нискоградба Охрид “-Охрид. аб/бт/
