Тетово, 28 април 2020 (МИА) – Општина Тетово информираше дека ќе се поделат 100 таблети на ученици кои се донација на компанијата Еколог интернационал.
– Денескa компанијата Еколог на општина Тетово и донираше 100 таблети. Истите ќе бидат поделени на сите училишта на пропорционален начин, а понатаму на директорите на училиштата кои понатаму ќе ги пренесат таблетите на децата кои припаѓаат на социјално ранливи групи, посочија од тетовската локална самоуправа.
Компанијата Еколог Интернационал, доделува илјадници таблети низ целата држава.
-Проектот има за цел да им излезе во пресрет на најитните случаи на државно ниво, кои имаат потреба за дигитални уреди за онлајн наставата, информираат од Еколог Интернационал.
Вчера беа дистрибуирани таблети во руралните тетовски општини. ас/нд/
