Струмица, 28 април 2020 (МИА) – Основниот суд во Струмица досега изрече 85 парични казни во износ од петстотини до три илјади евра за кривичното дело за „Непостапување според здравствените прописи за време на епидемија”, информира Мариета Дукиќ, портпаролка на Основниот суд во Струмица.
Од Основното јавно обвинителство во Струмица до Судот се поднесени вкупно 124 предлози за издавање казнен налог и еден обвинителен предлог, рече Дукиќ.
Toj додаде дека одреден број граѓани имаат поднесено приговори на издадените казнени налози и според Уредбата роковите за приговор не течат и ќе се разгледуваат во редовна постапка по завршувањето на вонредната состојба. Граѓаните кои не поднеле приговор треба во законски определениот рок да ја платат изречената казна.
Според информации од ОЈО во Струмица расте бројот на пријави против граѓаните од Струмичко кои не ја почитувале забраната за движење и во фаза на подготовка се нови 27 пријави.рт/оџ/
