Скопје, 27 април 2020 (МИА) – Полицијата го приведе лицето од снимката што изутрината се споделуваше на социјалните мрежи, на која се гледа како е качено на возило, пее и го нарушуваа јавниот ред и мир.
Од МВР информираат дека станува збор за лицето Х.Ј, кое е приведено и против него ќе биде поднесена пријава за „карање, викање, дрско и непристојно однесување на јавно место“, како и за „оддавање на пијанство на јавно место или во пијана состојба го нарушува јавниот ред и мир“ и за „омаловажување на државни органи“. оџ/са/
