Барселона, 26 април 2020 (МИА) – Претседателот на Барселона, Пеп Марија Бартомеу е лично заинтересиран за трансферот на напаѓачот на Пари Сен Жермен, Нејмар, пренесува „Марка“.
Газдата на каталонскиот клуб е на мислење дека привлекувањето на Бразилецот е клучно за клубот во текот на летото, но тој нема идеја како може да се направи.
Бартомеу сака Барселона да ја освои Лигата на шампионите следната сезона и е уверен дека Нејмар одлично ќе го засили составот.
Главниот проблем на шпанскиот гигант е високата трансферна вредност за играчот и неговата плата. Нејмар заработува 50 милиони евра годишно во ПСЖ, а трансферот може да се комплетира за 160 милиони евра.
Поради пандемијата на коронавирус во Барселона, не може да си дозволат вакви трошоци. Нејмар стана играч на ПСЖ во август 2017 година, кога го стекна Барселона за 222 милиони евра. 27-годишниот Бразилец има одиграно 80 натпревари на сите турнири за парискиот тим, постигна 69 голови и асистираше за 39.
Неговиот договор со францускиот клуб е до 2022 година.
