Кичево, 23 април 2020 (МИА) – Црвен крст на Општинска организација во Кичево, продолжува со теренска сервисна услуга на мобилниот тим за набавка на храна, хигиена и лекови за старите и изнемоштените лица, лица со попреченост и самохраните родители кои не можаат да излезат од дома.
Ивана Лазеска од Црвениот крст во Кичево изјави дека досега се услужени 61 семејство.
– Црвен крст преку мобилните тимови продолжува да дава поддршка во намалување на ризикот на проширување или заразување со Ковид-19, досега се услужени вкупно 61 семејство, финансиските средства за реализација на овие активности на Црвениот крст се обезбедени од Фондацијата на Кока-Кола компанијата и Пивара Скопје, изјави Лазеска. рз/оџ/
