Гевгелија, 21 април 2020(МИА) – Вработените од комуналното претпријатие, во содејство со пожарникарите и ПЕ за јавно здравје,за време на досега најдолгата празнична забрана за движење,непречено ја извршија редовната дезинфекција на улиците и јавните површини како дел од мерките за заштита од ширење на коронавирусот.
Согласно препораките од главниот и општинскиот кризен штаб,од општината соопштија дека дисциплинираното однесување на граѓаните им овозможило на задолжените служби непречено да ја спроведат дезинфекцијата на сите улици,тротоари и јавни површини во градот Гевгелија и населените места во општината во функција на успешно справување со пандемијата на Ковид-19.
Според одлуката на Општинскиот кризен штаб,целосната дезинфекција на улиците и јавните површини на територијата на општина Гевгелија се спроведува секој петти ден. им/цр
