Манчестер, 21 април 2020 (МИА) – Рекордната аквизиција на Манчестер Јунајтед, Хари Мегваер има амбиции да го достигне врвот на „црвените ѓаволи“. Тимот не ја освои титулата во Премиер лигата од 2013 година, и во моментов е на петтата позиција.
– Мислам дека забележувате дека од почетокот на сезоната се повеќе личиме на тим. Можеби е јасно каде сакаме да стигнеме, каде сме се упатиле. Дури и кога пристигнав во Јунајтед, кога Оле постојано ми објаснуваше дека сме во фаза на развој, бев свесен дека ќе бидеме таму каде што сакавме да бидеме. Не ме сфаќајте погрешно – има многу аспекти што треба да ги подобриме за да дојдеме до врвот. Но, во целина, не сакаме да се бориме за ЛШ, туку за титули, вели дефанзивецот.
Англискиот репрезентативец, купен за 80 милиони фунти, сега е капитен на тимот. Од јануари, Јунајтед не дозволил гол на 11 натпревари, освојувајќи 8 од нив и завршувајќи нерешено во другите 3.
Мегваер посочи што треба да се подобри во играта на тимот: „Станавме посилни во одбраната под статични услови. Пред некое време, бевме едни од најслабите во лигата. Покрај тоа, многу млади играчи почнуваат да се наметнуваат, а други се вратија по повредите. Секој почна подобро да ја проучува играта на другиот“.
