Битола, 17 април 2020 (МИА) – Општина Битола денеска пушти во функција дезинфекциски рампи, поставен на влезовите во градот, односно од Охрид и од Прилеп.
Според градоначалникот на Битола Наташа Петровска, новата мерка обезбедува целосна дезинфекција на возилата што влегуваат во градот и се реализира по претходна проценка на општинскиоткризен штаб.
-Дезинфекциските рампи ги изработи фирмата „Монтинг инженеринг“ и тоа е потврда за нивната општествена одговорност. Поставените дезинфекциски рампи исклучително значат за нашата општина. Но, сепак ќе нагласам, дека најважната мерка е социјалната дистанца и токму затоа ги замолувам граѓаните да ги почитуваат сите мерки, особено оваа мерка, непотребно да не излегуваат, бидејќи, искуството, скромно, колку и да го имаме во светски рамки за оваа проблематика, сепак, покажува дека социјалната дистанца и намаленото движење, се клучни во оваа работа, посочи Петровска.
Поставувањето на дезинфекционите рампи е врз основа на изработен сообраќаен проект за времен режим на сообраќај и поставена е соодветна сообраќајна сигнализација, информираа од Општина Битола. мт/аа/
