Скопје, 16 април 2020 (МИА) – Здружението на новинарите (ЗНМ) и Мисијата на ОБСЕ во Скопје денеска информираа дека се обезбедени 150 пакети со заштитни средства за новинарите од околу 100 медиуми.
Секој од пакетите содржи заштитни маски, ракавици, наочари, средства за дезинфекција и други потребни средства. Дистрибуцијата почнува од денеска, а ќе се одвива во текот на наредните неколку дена.
– Медиумските работници се на првите борбени линии, изложени на секакви опасности, а како што можеме да видиме и на опасноста да бидат заразени. Заштитени истражуваме, објавуваме и информираме. Коронавирусот е опасен, но исто толку опасна е и заразата да останеме неинформирани за тоа што се случува околу нас во оваа вонредна состојба што ја живееме, истакна претседателот на ЗНМ, Младен Чадиковски. бак/сп/
