Скопје, 16 април 2020 (МИА) – Струшкото обвинителство покрена постапка против четири лица за непочитување заради „непостапување според здравствени прописи за време на епидемија“, соопштија од Обвинителство.
– Тие не ги почитувале мерките и одлуките за забрана на движење на населението, па за време на полицискиот час, без дозвола, пеш или со возила се движеле низ градот и околината, појаснуваат од ОЈО Струга.
За обвинетите, Основното јавно обвинителство Струга со предлозите за издавање казнени налози побара од Судот да им изрече парични казни во износ од по 100 дневни глоби, со предлог да ја определи висината на дневните глоби за едно лице од по 30 евра во денарска противвредност, за друг обвинет од по 40 евра во денарска противвредност, а за двајца од обвинетите од по 50 евра во денарска противвредност. оџ/сп/
