Кичево, 13 април 2020 (МИА) – Безбедносната состојба на подрачјето на СВР Охрид каде што спаѓа и Кичево е стабилна. Изминатово деноноќие, во периодот од 19 часот на 12 април, до 7 часот следниот ден граѓаните во целост ја почитувале забраната за движење, со цел спречување на ширење на коронавирусот.
Во овој период не се регистрирани собирања на граѓани, кражби и сообраќајни незгоди.
Непречено се одвива контролата на лица кои се под мерките задолжителен државен карантин, здравствен надзор и домашна изолација и задолжителна 14 дневна самоизолација.
Нема нови лица со решение за изолација и извршени се 13 контроли на лицата кои веќе се во изолација , од кои три во Кичево. Евидентирани се 17 нови лица во самоизолација, пет во Кичево и извршени се 175 контроли врз овие лица од кои 12 во Кичево.
Полициските службеници извршиле 64 контроли на угостителски објекти.рз/бт/
