Токио, 12 април 2020 (МИА) – Претседателот на Меѓународниот олимписки комитет, Томас Бах, строго ги отфрли тврдењата дека МОК бил премногу неодлучен да ги одложи Олимпијадата во Токио поради пандемијата од коронавирус.
Тој зборуваше за германскиот весник „Велт ам Сонтаг“.
– Јас сум личност што има многу одговорности. Може да бидете сигурни дека таквите одлуки не можат да се донесат просто заради внатрешно чувство“, вели Бах.
Тој додаде дека во тие тешки времиња, „самиот опстанок на Олимпијадата“ бил „доведен во прашање“.
