Скопје, 10 април 2020 (МИА) – Штипјанец позитивен на Ковид 19 наместо во самоизолација излегол со возило и фрлал отпад во близина на Здравствениот дом во Штип. Јавен обвинител предлага казна од 2.000 евра.
Како што соопшти ЈО, поднесен е предлог за издавање казнен налог против едно лице за кривично дело – Непостапување според здравствените прописи за време на епидемија.
-Обвинетиот на 24 март добил известување од вирусолошката лабораторија на ПЗУ Поликлиника „Жан Митрев“ дека неговиот резултат од испитувањето на COVID-19 е позитивен, при што му било издадено Решение со кое се одредува лекување и изолација во домашни услови. На 30 март тој не постапил по решението, го напуштил својот дом како место за самоизолација и со своето возило бил затекнат како фрла ќеси со отпад во близина на Здравствениот дом во Штип, информираат од Јавното обвинителство. бк/ац/
